حبيبى يا....ولا بلاش (كلمة رومانسية اوى)

ازيكو ازيكو ياللى انا جاية ارخم عندكو
دى قمة الرومانسية اصل انا من يومى وانا بحب الرومانسية اوى



حبيبى يا جزمة
سورى على الشتيمة

كان نفسى يكون ليك لازمة
مش بس جزمة قديمة

طب حتى تكون جديدة
اهى حاجة تكون مفيدة

اكتشفت انك حمار
مش قادر تحس انى بحبك

حبك خلى قلبى نار
نفسى يحن ليا قلبك

لو تعرف بس بحبك ااد ايه
وحبك عامل فيا ايه

كنت جريت ورايا بالمشوار
وآخرك معايا خمسة جنيه

انا مش هقولك عاللى فيا
لازم انت تحس بيا





ليه كدة قلبك حجر
الحجر دة كان زمان وجبر

كبر دماغك وعيش حياتك
وانسى الماضى واللى فاتك

دى نصيحة منى ليك
من قلب بيحبك ويخاف عليك

حبه واحميه وحافظ عليه
والا فى لحظة مش هتلاقيه

خلاص انا قولت اللى عندى
سلام بقى يا افندى


اوعو حد يتريق انا شايفاكو

ياترى فينك يا اللى هتبقى حبيبى ياللى اكيييد مامتك داعية عليك