موقف عشاق

موضوع: موقف عشاق الإثنين يوليو 13, 2009 12:13 pm

لو عدي طيفك و جه علي بالي
في ثانيه بتغير ولا اعرف انا مالي
مبحسش بس غير اني...عاوز اكون حواليكي

ويمكن اللي قولته عمره ما بيحصل
ده طيفك لو في اخر الدنيا ليا بيوصل
عشان كفايه عليا...اني عايش و بتنفس ليكي

لما بتكوني واقفه بعيد
وبكون ساعتها واقف وحيد
عقلي و قلبي و كياني....كل ما فيا بيفكر فيكي

بفكر دايما في كلمه اقولها تسعدك
بسمه شفايفك ولا عنيكي ولا مليون رسام يرسمك
سبحانه من صورك....زي القمر يخليكي

ويوم ما دمعك نزل من عنيكي
ومقدرتش اسالك طب ايه اللي بيكي
كل اللي قدرت عليه...ادعي تكوني من قسمتي

عشان لو دمعك ينزل علي طول اخدك في حضني
دي ابتسامتك كفايه عندي لابعد سما تاخدني
واللي زعلك علي ايدك اجيبه يبوسها...ويقولك اسف علي غلطتي

لو افكر باليل لوحدي الاقيني مبفكرش في غيرك
واحلم ازاي في يوم اقدر اوصل و اجيلك
ارجع لسكوتي و اقول افكر في حاجه تانيه

اسال بكره ياتري هيبقي عامل ازاي
وواحده واحده تفكيري يلف و بيكي الاقيه جاي
طبيعي افكر كده مانتي عندي بكل الدنيا

نفسي نكون لبعض
نفسي انفذ وعد
وحلفاني بالزمن اللي بيعدي

فوقت انا من الاحلام
رجعت من جنه الاوهام
علي صوتك بيقول....لو سمحت ممكن اعدي؟؟